BULKEN UNGDOMSLAG
Aktivitetskalender:
Komande aktivitetar:
Me ynskjer innspel!
Har du forslag til aktivitetar i laget? Kom gjerne med innspel til oss!
Me ynskjer å nytta huset aktivt, og samla grenda på ulike sosiale tilstelningar.
Me ynskjer difor å vite kva DU kan tenkje deg å delta på, og kva me kan finne på for å auke aktiviteten i ungdomslaget framover.
(Bruk gjerne kontaktskjemaet på utleige-fana. )
Dersom nokon kunne tenkje seg å hjelpe til og være vakt når me skipar fest/dans, set me stor pris på det!
Dette skjer i 2023:
Datoane for arrangementa og meir info finn du på facebook eller Friskus når det nermar seg.
11. mars: Grendautvalsfest
Alle 16 frivillige lag og organisasjonar på Bulken har fått invitasjon til å ta med seg styret/representantar til ein felles årsfest i ungdomshuset. Me stiller med band og mat.
Grendacup i Eideshagen
Me gjentek suksessen frå i fjor og arrangerer Grendacup i Eideshagen, med hjelp frå idrottslaget. Endeleg har me fått på plass att ein fotballturnering for ALLE vaksne som speler fotball utan at det berre er fotballen som er i fokus! På denne cup’en skal alle engasjerte premierast; utkledning, heiagjeng, lagnamn og til og med dei som vinn kampane.
Les meir om Grendacupen og meld deg på via Facebookarrangementet når det kjem.
Klubbkveldar og HalloVenn 5.-7.klasse
Me arrangerer aktivitetskveldar med dans og leik for 5.-7 klasse ein gon i månaden. I tillegg skipar me Halloweenfeiring i samarbeid med FAU. Invitasjon med meir info vert sendt ut via skulen sin meldingsplattform.
Highwayman-fest
Som ein hyllest til Highwaymen sine flotte låter skal me halde ein eigen fest med Highwaymen som tema. Kle deg gjerne ut i passande stil!
Pubkveld
Me har fått så koseleg kjellarstova no, at me vart inspirerte til å lage ein pubkveld der. Me er ikkje heilt i mål med planlegginga endå, så meir info kjem.
Vårquiz og jolaquiz med lagoppgåver
Velkommen til lagkamp med ein kompinasjon av spørsmål og praktiske oppgåver. Dørene opnar kl. 19.30 og leiken startar kl. 20.00. Ta med deg kompisane, naboane, familien eller kom åleina. Det kostar 100 kr å delta.
Bolkarevy: gjengen er i gang med planlegging og satsar på å ha klart ein revy til 17.mai. Vi ldu vera med å hjelpe? Kontakt revyleiar Mathias Røthe Mandelid
Dugnad: Den 29. april skal det vera felles vårdugnad i ungdomshuset, alle som ynskjer er velkomne til å hjelpe til. Det skal vaskast og ryddast inne og kostast og klyppast ute slik at det vert strøkent til 17.mai.
MEIR MORO VERT PLANLAGT UNDERVEGS, FØLG OSS PÅ FACEBOOK ETTERKVART
Ynskjer du å være med å hjelpe oss? Ta kontakt med ein av oss i styret for å få meir info om neste møte.